Xog: weerada iyo qaraxyada Muqdisho


Ciidamada amaanka ayaa gacanta ku dhigay kooxo weerar Bambooyinka gacanta loo adeegsaday ku qaaday saldhigyada booliska qaar ka mid ah degmooyinka gobolka Banaadir.

Afhayeenka booliska Cabdifitaax Aadan Xasan oo la hadlay warbaahinta Qaranka ayaa sheegay in kooxda argagixisada ah ay weerartay saldhigyada booliska degmooyinka Wadajir, Hodan, Howlwadaag iyo Boondheere, isla markaana gacanta lagu dhigay maleyshiyaadkii weerarka soo qaaday.

Afhayeenka ayaa u xaqiijiyey warbaahintana in loo soo bandhigi doono kooxihii fuliyey weerarkaas ee gacanta lagu dhigay.

Sidoo kale Cabdifitaax Aadan Xasan Afhayeenka booliska Soomaaliya ayaa shaagay in hadda la hayo 7-qof oo ku eedeysan inay ka dambeyeen weerarka lagu soo qaaday saldhigyadaas.

Todobaadkii hore ayaa sidan oo kale la weeraray saldhigga degmada Kaxda iyo xaafadda dadka dhaqaalaha leh daganyihiin ee Daarusalaam.


Comments

Post a Comment

Popular posts from this blog

Ra'iisalwasaare Rooble "Waa in doorashada xildhibaanada waqtigeedii lagu soo dhameeyaa"

Image
Ra’iisul Wasaaraha XFS Mudane Maxamed Xuseen Rooble oo ka qeyb galay gebogebada doorashada xildhibaannada labada aqal ee dalka ku matalaya Gobollada Woqooyi, ayaa hambalyeeyay xildhibaannada cusub. Ra’iisul Wasaaraha ayaa ku ammaanay guddiyada doorashada Somaliland (SEIT) iyo Heer Federaal howsha adag ay qabteen iyo in ay doorashada ku soo dhammeeyeen ka hor xilligii loo asteeyay, isagoo dowlad-goboleedyada ku boorriyay inay doorashada xildhibaannad deg deg u soo gebagabeeyaan.
Read more

Madaxweyne Farmaajo oo ka tacsiyeeyey geerida Sheekh Cabdinaasir Xaji Axmed oo lagu qarxiyey Kismaayo

Image
Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo ayaa tacsi tiiranyo leh u diray qoyska, qaraabada iyo dhammaan ummada Soomaaliyeed ee uu ka geeriyooday Sheekh Cabdinaasir Xaji Axmed oo ku shihiiday qarax ay kooxaha arxan-laaweyaasha Argagixisada ahi kula eegteen magaalada Kismaayo. Madaxweynaha ayaa xusay in Sheekh Cabdinaasir ahaa daaci weyn oo lafdhabar u ahaa fidinta diinta islaamka iyo ilaalinta caqiidada suubban ee ummadda Soomaaliyeed, waxa uuna Madaxweynuhu tilmaamay in falkaas arxandarrada ah uu ka marag kacayo sida ay argagixisadu duullaan ugu tahay diinta islaamka iyo nolosha haldoorka Soomaaliyeed. “Innaa Lillaahi Wa Innaa Ilayhi Raajicuun. Waxaan ka tacsiyaynayaa geerida Alle ha u naxariistee Sheekh Cabdinaasir Xaaji Axmed oo argagixisada cadowga ku ah jiritaanka ummadda Soomaaliyeed ay ku dhishay magaalada Kismaayo. Sheekh Cabdinaasir waxa uu ahaa daaci weyn oo noloshiisa oo dhan u huray fidinta diinta islaamka.” Madaxweyne Maxamed Cab...
Read more

Ciidanka Danab oo howlgal qorsheysan ka fuliyey Shabeellaha dhexe

Image
  Ururka 4-aad guutada 16-aad ee ciidanka kumaandooska xoogga dalka ee Danab ayaa howlgal qorshaysan ka fuliyey deegaanka Goobaale ee gobolka Shabeellaha dhexe, ujeedka howlgalkaas ayaa ahaa burburinta goobo cadowga Al-Shabaab ay kaga dhuumalaysanayeen deagaankaas. Argagixisada Al-Shabaab ayaa caado ka dhigatay isku dhex qarinta dadka shacabka ah maadama aysan ka hortagi karin awooda ciidanka kumaandooska Danab, balse ciidanka oo u tababaran baacsiga argagixisada ayaa cagta mariyey haraadiga argagixisadii ku dhuumaaleysaneysay deegaankaas. Hawlgalkaas ayaa qayb ka ahaa  holwgallada guud ee lagula dagaalamayo haraadiga Argagixisada Al-Shabaab iyo Daacish.
Read more